Skrítinn dagur

Halló halló, þetta er nú búinn að vera frekar skrítinn dagur í dag, Birkir sonur minn fór frá mér í gærkvöldi og flaug til Svíþjóðar í morgun með afa sínum og ætlar að vera þar í sumar þangað til að ég fer og sæki hann, en ég er búin að vera hálf vængbrotin.   Hugga mig að vísu við það að hann hefur bæði gott og gaman að þessu og þroskast í leiðinni.  En ég fer til Svíþjóðar dagana 1.-12. ágúst og tek Fjölni elsta drenginn minn með mér sem er 15 ára og ætla að flýja af landi brott yfir verslunarmannahelgina, veit að hann langar á þjóðhátíð í Eyjum, en ekki núna hmhm.   Ég fór að vísu með honum eitt kvöld í fyrra og það var svaka gaman. 

Annars gengur bara ágætlega hjá mér að hugsa um mataræðið fyrir utan pínu svindl í gærkvöldi en ég bauð afa þeirra og frænku í Gæs með öllu tilheyrandi og desert í eftirrétt.  Ég verð grasekkja um helgina þar sem maðurinn minn er að fara upp á Arnarvatnsheiði að veiða, fer í kvöld og kemur heim á sunnudaginn.

En ég stefni á notalega helgi með strákunum mínum og ætla jafnvel að kíkja í Töfragarðinn á Stokkseyri.

Bið að heilsa í bili með baráttukveðjum

Djúsígella

Hæ, hó, jibbí jei !!!

Jæja það voru góðar tölur á vigtinni í dag, ég varð alveg himinlifandi glöð.  Það voru farin 1 og 1/2 kg, íííha!!!  Þrátt fyrir svindlið á 17.júní þá gekk þetta svona ljómandi vel.  En það er um að gera að halda áfram þó að manni mistakist.  Það ætla ég að gera. Það er alveg dásamleg tilfinning að mega borða allan þennan góða mat, og léttast.

Vona að ykkur gangi líka vel.  Kveðja frá Djúsígellu í skýjunum hahaha

Svindldagur í gær 17.júní

Góðan daginn og takk fyrir kveðjurnar í gær 17.júní.  Þetta var mjög skemmtilegur dagur, byrjuðum á þvi að fara í morgunkaffi í skólanum, (ég fékk mér 1/2 rúnstykki með osti, gúrku og tómötum og kaffibolla) síðan var íþróttakeppni hjá öllum aldurshópum og tóku krakkarnir mínir virkan þátt í því.  Sjálft afmælisbarnið fékk gullverðlaun í þrautabraut, Birkir 11 ára fékk bronsverðlaun í hlaupi, Selma fékk tvo silfurpeninga fyrir hlaup og í þrautabraut.  Bóndinn tók líka þátt í karlahlaupinu og vann hann ekki til verðlauna, en aðal atriðið er auðvitað að vera með. (það var ekkert kvennalið) EN ég fór í kvennahlaupið 16.júní.

En eftir þetta var svo komið heim og klárað að undirbúa afmælið og síðan var farið í skrúðgöngu.  Ég svindlaði aðeins í áti í gær en ég borðaði risa stóra gúrku í gær til að friða samviskuna.  Þjóðhátíðarkakan hennar Kristínar er ROSALEGA góð og var hún mjög vinsæl.  Þessi dagur varð dáldið klúður hjá mér en nú ég er byrjuð á fullum krafti í dag.  Ekkert múður.  Vigtun á morgun.

Ég verð, ég skal, ég get!!

Kveðja Djúsígella                        KOMA SVO!!!!!!!!!!

17.júní framundan

Já takk Barbietec það er alveg rétt hjá þér að ýta við manni að blogga meira. Ég skal bæta úr því.
En nú er sko nóg að gera Aron minn sem verður 5 ára á sunnudaginn 17.júní fór sko ekkert smá glaður í leikskólann í morgun með græna frostpinna handa öllum krökkunum og ætlar að halda upp á afmælið sitt í leikskólanum í dag. Sindri 3ja ára bróðir hans var eiginlega bara jafn spenntur því að hann fær að koma í heimsókn á deildina hjá bróður sínum í afmælið. En svo verður afmæli auðvitað á þjóðhátíðardaginn 17.júní heima, á sjálfan afmælisdaginn. Vona að það verði ekki rigning.hehehe…..
En til gamans má geta þess að Kristín er búin að láta uppskriftina að þjóðhátíðarkökunni á vefinn og er ég ákveðin í því að baka hana og prófa. Frábært!! enda erum við amk. 4 sem erum á DDV sem koma í afmælið.
Ef þið lumið á einhverjum flottum hugmyndum þá væri það vel þegið.
En mér hefur bara gengið vel að fara eftir prógramminu og ég hlakka til að fara á vigtina á þriðjudaginn.
En það er eitt sem mig langar til að spyrja ykkur að,,,, ég var að kíkja á bloggsíður hjá átaksbloggurum og þar sá ég inni á einni síðunni að ein sem var með svokallaða hörkuviku, þá talaði hún um að borða minnst 8 teg af grænmeti en lítið af gulrótum……. AF HVERJU LÍTIÐ AF GULRÓTUM???? eru þær eitthvað verri en annað grænmeti ef maður er að taka sig á???
Hún talaði um að borða mest af ávöxtum sem eru c vítaminríkir og bara fisk í kvöldkmat o.fl.
Endilega segið mér til, öll ráð eru vel þegin.
Bestu kveðjur og gleðilega Þjóðhátíð!!!
Djúsígella

-1 kg á 5 dögum JIBBÍ!!!!!!

Jæja þá er um að gera að láta vita af sér hérna, en ég varð aldeilis hissa þegar ég steig á vigtina í dag hjá henni Kristínu, ég meina eftir aðeins 5 daga á DDV er ég komin í -1 kg
Ég hélt að þetta væri eitthvað bull, en svona var þetta. Frænkum mínum gekk líka rosalega vel.
Nú er maður bara orðinn spenntur að sjá hvaða tala kemur í næstu viku.
Einnig kynnti Kristín okkur fyrir gómsætri tertu sem hún hafði búið til og ætlar að setja inn á netið næstu daga. Ekta 17.júní terta… mmmm.. ég hlakka svo til.
En þetta er bara gaman, þetta tosast smátt og smátt.
Kv. Djúsígella

Formlega meðlimur í DDV og breytt markmið

Halló, halló!! Ég dreif mig á kynningarfundinn hjá DDV í gær og skráði mig og er því réttilega orðinn meðlimur í þessum frábæra klúbbi.. Mér líst rosalega vel á þetta, við fórum þrjár saman á fundinn og ein okkar var ekki ákveðin í að skrá sig áður en við fórum en, viti menn hún sló til og það var bara ÆÐISLEGT!! Þetta er heilmikið prógram að læra á og ég ætla því að vera dugleg að mæta á fundi og afla mér upplýsinga, líka hjá öðrum átaksbloggurum.
En ég breytti aðeins markmiðunum mínum og ákvað að byrja á því að taka stefnuna á því að ná kjörþyngd. Svo kemur hitt bara í ljós síðar hvort mér finnist ég þurfa að gera meira. Tók mið af tölunni á vigtinni á spjaldinu og ætla að taka mið af þeirri tölu.
Nú er bara að herða upp hugann og standa sig..
Bestu kveðjur
Djúsígella

Vantar komment á markmiðin mín!! Hjálp!!

Góðan daginn. Jæja þá er bara einn dagur í að fjörið byrji af alvöru, þ.e. að maður skrái sig hjá DDV, ég kvíði svakalega fyrir að stíga á vigtina hjá þeim (fyrir framan aðra). En ég ætla að notast við vigtina hjá þeim á meðan ég verð í átakinu og hætta að vigta mig heima. En ég hlakka samt til að fara á fundinn og fá frekari leiðbeiningar varðandi mataræðið.
En þið sem eruð reynslunni ríkari,, hvað haldið þið með markmiðin mín???? Haldið þið að þetta séu raunhæf markmið??
Finnst ykkur að ég eigi að stefna bara á 63 kg og komast í kjörþyngd og allt annað sé bara +.
Er svolítið óviss með þetta.
Endilega gefið mér komment á markmiðin mín…..
Kanski breyti ég markmiðunum eftir vigtunina og fundinn á morgun?? En samt í svipuðum dúr.

Látið í ykkur heyra,, vantar pepp….
Kv. Djúsígella.

P.s. tók myndir af mér í dag, ætla að halda þeim fyrir mig a.m.k. til að byrja með. Enda kann ég ekki að setja myndir inn á síðuna. hehe…

Ástæðan

Já góðan og blessaðan daginn. Mig langar til að deila með ykkur ástæðunni fyrir því að ég valdi DDV. Þannig er mál með vexti að ég, auðvitað eins og margir aðrir, hafa háð baráttu við fitupúkann og reynt margarleiðir. Ég hef alltaf gefist upp eftir smá tíma. En núna er mér nóg boðið. Ég byrjaði þriðjudaginn 29.maí að taka Herbalife, en var ekki alveg sátt við það, mér finnst það ekki vera rétt leið til að breyta um lífsstíl ef maður horfir til framtíðar (með fullri virðingu fyrir þeim sem velja þá leið). En fyrir mig held ég að sé best að geta borðað næstum hvað sem er og læra að borða rétt. Ég tel að með því að læra að borða eftir DDV þá takist manni að breyta um lífsstíl og borða rétt. Að minnsta kosti hef ég trölla trú á þessu og ég skal sko sanna það fyrir sjálfri mér að ég get þetta eins og margir aðrir.
Fyrirmyndirna mínar eru mágkona systur minnar sem maður sá bara minnka á smá tíma, hún var svakalega dugleg. Svo var önnur frænka mín sem léttist um 10 kg á 10 vikum sem er auðvitað alveg frábært. Einnig eru frábærar fyrirmyndir eins og Barbietec o.fl. á netinu sem gaman er að fylgjast með og hafa náð glæsilegum árangri.
Ég get þetta eins og aðrir og þess vegna valdi ég að læra að borða eftir DDV. En það stórkostlega í þessu er að frænkur mínar (sem ég tala oft um að séu systur mínar) ætla í átakið líka og ætlum við að styðja hvora aðra. Ætlum að mæta galvaskar á byrjendafund á miðvikudaginn.
Hlakka til að takast af alvöru við fitupúkann!!!!
Djúsígella (sem vill verða megabeib) hahaha…..

Matardagbók

Hæ hæ,  mér finnst matardagbókin frekar flókin og hlakka til að koma á byrjendafundinn.  En ég reyni mitt besta. 

Í morgunmat fékk ég mér ristað brauð með osti og marmelaði (sykurlausu) + appelsínu  er búin að vera mjög dugleg að drekka vatn í dag.  Svo í hádeginu fékk ég mér DDV lasagne, og enn á ég eftir af mjólkurskammtinum og þess vegna get ég nýtt mér það í kvöldmatnum, en ég er með ilmandi pestó kjúklingarétt, með grænmeti og sólþurrkuðum tómötum.  Sér fyrir mig og annað fyrir heimilisfólki (öfga dugleg)  en ég lét smurost með sólþurrkuðum tómötum (smá klípu) og svo hellti ég undanrennu yfir.

Í kvöld af því að það er laugardagskvöld get ég svo fengið mér pínu ávaxtadesert af því að ég á 3 ávexti eftir.

Vona að ég sé ekki að klikka neitt á þessu.  En mér finnst maður vera endalaust saddur.  Ég var orðin aðeins svöng núna þegar ég eldaði matinnn og ég er bara að narta í gulrætur og drekka vatn. 

Bestu kveðjur,, Djúsígella.

ÉG VERÐ,, ÉG SKAL,, ÉG GET !!

Jæja þá er nú komið að því… ég er búin að vera að prófa mig áfram í DDV núna í aðeins 2 daga, en nú skal það gerast.  Ég er orðin hundleið á þessum björgunarhringjum sem vingsast til og frá og nú er bara að duga eða drepast,, að gera lífið léttara.

Ég ætla að fara á byrjendafund á miðvikudaginn og fá nánari útskýringar, því að mér finnst matardagbókin vera svo flókin.  En núna skal ég í kjörþyngd sama hvað það kostar.  Ég ætla að vera komin í kjörþyngd  15.mars 2008. En það þýðir að ég þarf að losna við amk. 22 kg. en mig langar að losna við 27 kg. 

Sem þýðir einfaldlega að Djúsígellan vill verða MEGABEIB.

ÉG VERÐ,, ÉG SKAL,,ÉG GET!!