Þá er það Svíþjóð 1.-12.ágúst

Sælar stelpur, ég ætla nú að fara að ykkar ráðum og hafa DDV bak við eyrað þó að ég fari ekki alveg eftir því en ég var 82,2 kg á vigtinni minni í morgun.  Ég er ákveðin í því að halda áfram og byrja bara upp á nýtt þegar ég kem heim frá Svíþjóð.

En að vísu verður mjög mikið um að vera hjá mér þá, ég stend í skilnaði og er að flytja eftir að ég kem heim frá Svíþjóð, íbúðin sem ég fæ verður ekki tilbúin fyrr en ég kem að utan. Þess vegna fer allt á fulla ferð þegar ég kem heim.

En endilega kíkið inn á síðuna hjá mér áfram því að mig vantar virkilega hvatningu og pepp.  Er í einhverri leiðindarlægð núna.  En ætla að njóta þess að fara til Svíþjóðar með unglinginn minn og ná í miðlunginn.  Fara í tívolí, versla og bara SLAPPA AF.

Fer til Svíþjóðar á miðvikudagsmorgun og ég kíki kanski inn á síðuna eitthvað á meðan ég verð úti.

Bestu kveðjur til ykkar allra og hafið það gott og gangið hægt um gleðinnar dyr um verslunarmannahelgina.  En ég mæli eindregið með ÞJÓÐHÁTÍÐ Í EYJUM!!

Baráttukveðjur Djúsígella.

Kem og fer – stopult sumarblogg

Hæ hæ, nú er ég búin að vera heima og að heiman fram og til baka, fór í tvö yndisleg brúðkaup á laugardaginn og lá svo bara í leti hérna heima í gær og gerði ekkert, nema að setja í þvottavél.

Er alveg að gefast upp á DDV í bili, er svo mikið á þvælingi og mér finnst það svo erfitt.

Er að fara til Eyja á morgun og verð fram á sunnudag.  Kem þá heim að þvo og undirbúa mig fyrir Svíþjóðarferðina mína.

Er komin með 2 kg upp.  Ekki nógu gott.  En mig langar ekki að gefast alveg upp.  Ég hef þetta nú bak við eyrað en fer ekki alveg eftir þessu.  Verst er það þegar maður lætur það eftir sér að fá sér í glas..

Vona að þið hafið það gott og að ykkur gangi vel.

Bestu kveðjur Djúsígella jó jó

Ég er komin heim!!!

Hæ hæ hæ,,, nú er ég komin heim, er búin að vera í fríi síðan á föstudaginn og viti menn, eiginlega líka á danska og ég veit að það er eitthvað komið til baka aftur, en ég byrja á fullu í dag.  Ég var í útilegu, fórum á Arnarstapa um helgina og svo færðum við okkur yfir á Grundarfjörð á sunnudaginn og svo kom smá klikkerí í bílinn og við urðum að gista eina nótt í Borgarnesi og komum heim í gærkvöldi.

Það var alveg geggjað veður og maður er bara orðinn sólbrúnn og fínn.  En verst var að ég fór stóra beygju frá þeim danska þegar líða tók á helgina og fékk mér áfengi og mat og hugsaði ekkert um matarskammtana mína.  En núna er ég komin heim og þá er bara haldið áfram og ekkert múður með það.  Dugleg að drekka vatn og halda mig við skammtana mína.  Ég get þetta vel, svo nú er bara að bretta upp ermarnar.

Takk fyrir innlitið stelpur, ég kíki á ykkur.

Kv. Djúsígella.

Vá vá vá ég er alveg í skýjunum

Góðan og blessaðan daginn, ég verð bara að monta mig núna ég léttist um 2,3 kg hvorki meira né minna og ég er geggjað ánægð með árangurinn.  Ég er mjög dugleg að drekka vatn og ég er klár á því að það hjálpar mikið til.

Takk fyrir ábendinguna Heidi.  Vona að ykkur hafi líka gengið vel.

Kv. Djúsígella hress og kát.

Átið í dag

Hæ aftur, þá er ég komin úr grillpartýi fjölskyldunnar í bústaðnum hjá tengdó, það var æðislegt fjör, fórum út á vatnið í bát, skipst á að fara með krakkana og það var farið að veiða og börnin léku sér í góða veðrinu við vatnið og köstuðu önglunum í von um að það myndi bíta á og hundarnir syntu í vatninu.  BARA GAMAN. Engin veiði í þetta skiptið.

En átið í dag var eftirfarandi:

þriðjudagurinn 10. júlí

MM = Ristað brauð með osti + sultu, pera, vatn og 1 tsk ólívuolía

HM = Grænmeti, hálf brauðsneið m/osti, 1 egg + vatn

Vatn, kaffi og ferskur ananas í sólinni milli mála

KM = rúml. 400 g grænmeti heima áður en ég fór í grillið, 1/2 bökuð kartafla frekar stór m/pínu smjöri, grillkjöt + grænmeti + vatn, kaffi. 

Svo ætla ég núna að fá mér jarðaber og bláber út á ab-mjólk + 1 tsk ólívuolíu (sýnist ég eiga það eftir)

Fróðlegt að vita hvernig fer á morgun, læt vita.

KV. Djúsígella

Ég er hér enn… hæ hæ!!

Hæ hæ, í sól og sumaryl !!!!  Vá hvað veðrið er búið að vera yndislegt síðustu daga.  Ég er sko búin að njóta blíðunnar í botn, fara í sund og fara í fjöruferð og og og…..

Svo var ég auðvitað að byrja í nýrri vinnu og þetta tekur allt sinn tíma og í nógu að snúast.

 TAKK ÆÐISLEGA FYRIR KOMMENTIN!! ÞIÐ ERUÐ ALVEG FRÁBÆRAR!!!!

Eins og ég hef sagt áður þá er þetta svo hvetjandi að vita af ykkur þarna úti og vita að þið eruð að fylgjast með mér, TAKK, TAKK….  Alltaf gott að fá svona ábendingar.  Ég skal reyna eins og ég get að bæta mig, en stundum er maður í einhverjum skítareddingum.  En annars langar mig að spyrja,, má maður ekki fá sér hrísgrjón á hverjum degi sem extra?? eða hvað, er það bara skipt út fyrir ávöxt??  Ég hélt að ég mætti það.

En þá er komið að því að gera grein fyrir átinu síðustu daga.

Sunnudagurinn 8.júlí

MM = R. brauð með osti + 1 tsk sulta, 1 tsk ólívuolía, appelsína + vatn

HM = 85 g kjúklingur, + blandað grænmeti og sallat, smá sósa m/majonsesi + hvítlauksdufti  /2 tsk. 1 ristuð brauðsneið með smyrju og hvítlauksdufti, vatn að drekka.

Miðdegishressing = pera + ís í boxi (:-(

KM=  Borðaði á Hafinu Bláa, fiskiþrenna, lítil kartafla, grænmeti (kláraði svo grænmetisskammtinn minn eftir að ég kom heim.)  Vatn og aftur vatn.

Mánudagurinn 9.júlí

MM = Ristað brauð með osti, epli, vatn.

1 kaffibolli + vatn + appelsína milli mála

HM = Skyr.is vanillu, grænmeti, brauð með smyrju, gúrku og tómötum + VATN

KM = lasagne, hrísgrjón og 1 lítið snittubrauð (var boðin í mat, skammtaði mér lítið á diskinn) + 400 g grænmeti.

VATN + pera

Vona að þetta sé nokkurn veginn í lagi.  En ég er ekki búin að prenta ennþá út skráningarblaðið en það er vigtun á morgun og það verður spennandi að sjá hvað gerist.  Ég ætla að muna eftir að taka blöð á morgun.

Gangi ykkur vel og ég kíki á ykkur.

Kv. Djúsígella

Skilaboð dagsins

Góða kvöldið, ég er í einhverjum blogg gír núna, maðurinn minn er að steggja frænda sinn og ég er bara að dúllast hérna heima með litlu drengina.

Ég er með dagatal hérna heima sem er með ýmsum góðum heilræðum fyrir hvern dag fyrir sig sem mér finnst gott að lesa.  Dagatalið heitir Vegur til farsældar.

T.d. fyrir daginn í dag 7.júlí

Guð elskar þig!  Til að sanna það hefur hann skapað náttúruna og fegurð hennar þér til ánægju og yndis.

Átið í dag:

MM = Ristað brauð með eggjahræru, (1 egg) smá gúrka og smá tómatur, + appelsína  vatn og kaffibolli

HM = Rækjusallat, (1egg, 80g rækjur, sítrónupipar) 3 hrökkbrauð,, mmmmm……. + vatn  og rúml. 300 g grænmeti

KM =  Grilluð hrossalund (afgangur frá í gær)120 g, 78 g kartafla, ca. 400 g grænmeti

Kvöldsnarl = 75 g jarðaber, 75 g bláber, 1/2 banani og 2 -3 dl ab mjólk með kanski pínu sætu.

Ég á eftir að borða kvöldsnarlið og ég hlakka mikið til.

Ísinn breyttist sem sagt í ab mjólk því að ég er búin með fituskammtinn í dag.

Vona að þið hafið það sem best.

Kv. Djúsígella

P.S. mér finnst þetta eitthvað svo mikill matur.

Dagurinn í gær

Jæja þá er komið að því að gera grein fyrir átinu í gær.  En þetta var stór dagur, þar sem ég var að ráða mig í stöðu aðstoðarleikskólastjóra.  Var ekki heima í hádeginu en tók með mér gúrku og tómata til að hafa örugglega nóg grænmeti.  Mér finnst það mjög þægilegt að geta gripið það með og líka gulrætur og papriku.

MM = Ristað brauð með osti 1 tsk sulta vatn + appelsína 1 tsk olívuolía,

HM = Skyr m/mjólk út á, brauð með viðbiti og gúrku, grænmeti + kaffi og vatn

KM = Grilluð hrossalund 150 g, 100 g grilluð kartafla, 400 g grillað grænmeti,

Kvöldsnarl = 1 pera + vatn og pínu pepsi light.

En ég vil enn og aftur þakka ykkur fyrir innlitið og að kommenta hjá mér, það er æðislega hvetjandi.  Ég finn að ég er ekki ein.

Ég hlakka svo til í kvöld, ætla að fá mér ferskan ananas, jarðaber og bláber, með ís og heitri súkkulaðisósu DDV. MMMM…………………

Ætlaði til Eyja á goslokahátíð í dag, en yngsti drengurinn minn er með hita.  En ef þið eruð á flakki stelpur ættuð þið að skoða nýju sundlaugina á Borg í Grímsnesi æðisleg rennibraut fyrir krakkana og fínir pottar.  Fór þangað í gær, algjör snilld.

Bestu kveðjur Djúsígella.

Geri mitt besta

Sælar og takk fyrir kommentin stelpur, rosalega er gott að fá svona pepp og að vita að það sé fylgst með manni.  Það hjálpar ótrúlega mikið.  Mér gengur ágætlega núna að halda mig við prógrammið og er mikið duglegri að drekka vatn.

Matseðillinn í gær

 MM = Ristað brauð með 1 eggi, gúrkum og tómötum , 1 tsk ólívuolía + appelsína – vatn

HM = Nings bakki með silung og grænmeti 80/300 (en ég borðaði bara eitt sushi) – vatn

1 pera milli mála og vatn + kaffi

KM = 120 g kjúklingur blandað grænmeti og 75 g hrísgrjón, 1 sneið af hvítlaukssnittubrauði

( kláraði ekki allan mjólkurskammtinn   )

  Ég ætla að skrifa inn matseðilinn hjá mér eftir hvern dag og ég bið ykkur endilega að kommenta á mig ef ég er að gera einhverja vitleysu og láta mig vita.  Ég klára stundum mjólkurskammtinn minn ef ég drekk mikið kaffi yfir daginn, en ég nota alltaf smá í kaffið.  Undanfarið hef ég bara verið mjög dugleg að drekka vatn.

Við gefumst aldrei upp þótt á móti blási……………..við stöndum saman!!

Baráttukveðjur, Djúsígella.

ÞAÐ VAR OG…… UPP FÓR HÚN !!!

Jæja jæja, ekki hef ég nú mjög skemmtilegar fréttir af vigtinni í dag,  upp fór hún um heil 900 g takk fyrir.  Nú er sko heldur betur að herða upp hugann og taka sér taki.  Ég ætla að reyna að vera dugleg að borða fisk og kjúkling og drekka vel.  Ég varð pínu miður mín en vissi samt upp á mig skömmina.

Vona að ykkur hafi gengið betur!!

Bestu kveðjur Djúsígella